Mizo Elite News hi ṭha i tihzawng a nih chuan min lo Follow dawn nia

Covid19 Hi A Kiang Mai Dawn Lo – WHO

Hri vangin khawvel a buai mek a, kian lam aiin a vei an la pung chho zel bawk si. He hri chungchang ah hian mithiam tak tak te pawh an lu a hai tawh viau a ni.

Vaccine chungchang ah peih hman thei leh thei lo inkarah a leng nasa tawh bawk a, rinna nghah a har. The European Union’s medicines agency lam ten Ningani khan coronavirus (COVID-19) vaccine chu a hnai angin thu an rawn puang a, amaherawh chu WHO lam thung chuan he hri hian kianzai mai a rel a beisei loh thu a rawn puang ve thung.

Geneva a Covid19 virtual press briefing neih ah chuan WHO lam kamchhuak chu a thlamuanawm ta bik loh khawp mai. WHO emergencies expert Mike Ryan chuan he hripui hi umbo a, a kian mai a beiseiawm loh thu online briefing ah chuan a sawi a.

“Tumah in he hripui bo a a reh hun tur hi an sawi lawk thei lo” a ti a, HIV pawh in bo hun a nei lo ang hian he hri hi a bo a rinawm loh thu sawiin hun eng chen nge a awh dawn tih ah hian rei tak a awh thei a, mahsela chutiang pawh chu a nilo ve thei tho bawk a ti.

Hripui vanga khawvel puma thi tawh zat hi 300,000 dawn an ni tawh a. Midang 4.4 Million in vei mek in recover hi 1.6 Million vel anga tarlan mek a ni.

ER