Mizo Elite News hi ṭha i tihzawng a nih chuan min lo Follow dawn nia

Covid19 Free State Ah Goa Leh Manipur

India ram ah Covid19 vei an pung zel a, chutih laiin chanchin lawmawm pawh a thleng ve zel. India ram ah Goa leh Manipur State te chu Covid19 free state an ni ta.

Nimin Pathianni khan coastal state of Goa chuan Covid19 vei engzat mah an nei lo a, Case an neih tawh loh thu hi Health Minister, Vishwajit Rane chuan Twitter kaltlang in a puang a, Positive Case hi 7 nei in mahsela an dam fel vek tawh a, an vaiin discharge an ni tawh. Goa hi first green State an ni a, Doctor & frontline Workers te rim taka an thawh vanga tun hi thleng thei an ni tih Vishwajit Rane chuan a tarlang bawk.

Goa in Covid19 Positive case an neih loh thu an puan hnu in Manipur in a rawn zui ve leh nghal. Manipur hian Positive Case pahnih an neih chu enkawl dam an ni tih Manipur CM N Biren Singh chuan nimin vek khan Twitter ah a puang leh.

Hri kai an neih hi hmeichhia kum 23 mi UK aṭanga kir a ni a pakhat hi kum 65 a upa Delhi’s Nizamudddin a Tablighi Jamaat event chhim a kal a ni. Manipur CM N Biren Singh hian hri kai an neih te hi an dam fel tawh tih a puang. Hetia hri vei an neih tak loh chhan ah hian public &medical staff leh lockdown strict taka kalpui a thawhhona ṭhat vang a ni tih a tarlang bawk.

Livemint