Mizo Elite News hi ṭha i tihzawng a nih chuan min lo Follow dawn nia

Covid19 Damlo Enkawltu Doctor Chu Cyclone Nivar Vanga Lung Transplant A Neih Theih Loh Hnuin A Boral

Madhya Pradesh a Doctor kum la naupang tak mai chu hripui Coronavirus a vei tih hmuhchhuah a nih hnu ah organ failure in vanduauthlak takin a boral.

Dr. Shuhbam Upadhyay (kum 27) hi Madhya Pradesh’s Sagar a Government Bundelkhand Medical College ah medical officer in a post a, hrivei te a lo enkawl thin. Hetia Positive te a enkawlna ah hian hri a vei ve a, October 19 khan Covid a Positive tih hrechhuak in Bhopal ah treatment a la nghal.

A dinhmun chuan zual lam a pan zel a, hri hian a chuap (lung) thlenga khawih in a taidarh. Dr. Ajay Goenka, director of Chirayu Medical College and Hospital chuan Dr. Shubham Upadhyay hi Nilaini khan an Hospital ah a boral thu sawiin a chuap chu chhan tlak awm lovin a zavaiin a chhe vek tawh a ti bawk.November 10 khan damdawiin ah dah luh a ni.

Upadhyay hi Bundelkhand Medical College, Sagar ah enkawl hmasak phawt a ni a, mahse a dinhmun a zual zel tak ah chuan Bhopal a Chirayu Medical College ah admit leh a ni a, a damchhuak zo ta chuang lo. Doctor te sawidan in a damchhuah leh theih dan awmchhun chu lungs transplant chauh a ni an ti.

Transplant nei tur hian Chennai lam an be pawp a mahse a senso atan hian a chhe ber ah Rs 70-80 lakh vel a ngai dawn. Madhya Pradesh government lam in a senso zawng zawng tum sak vek an inhuam. Amaherawh chu Chennai ah hian Cyclone vangin an kal thei lo a, hei vang hian a nunna a chan phah ta a ni.

IT