Mizo Elite News hi ṭha i tihzawng a nih chuan min lo Follow dawn nia

Covid19 Bakah Natna Dang In A Tlakbuak Pa Chu Ni 30 Chhung Ventilator Nen Enkawl A Nih Hnuah Mak Takin A Rawn Damchhuak Ve Leh

Damdawi in lama thawk tu te pawn beiseina an nei sang tawh lo a, a damchhuah an ring tawh lo hrim hrim. Damdawi lam thiam te beidawnna ruama an din hial hnuah mak takin a damchhuak ve leh.

Omar Taylor,31 hi hripui Coronavirus mai bakah double pneumonia,sepsis,heart failure leh stroke natna te a kawp vek bawk a, Ventilator nena Colchester Hospital ah enkawl a ni.

Staff te chuan Omar chhungte hnen ah a dinhmun hi a ṭhat vak loh avangin a chhe ber pawh thleng tura inbuatsaih turin an hrilh hial nghe nghe.

Mahsela ventilator nen ni 30 chhung lai enkawl a nih hnu chuan a dinhmun chuan ṭhat lam a pan a, a fapa kum 2 piancham hmang thei turin hospital a chhuahsan thei ta der.

Hospital aṭanga chhuah a nih hian nurse te chuan kut bengin an lawmpui a an chenna Rowhedge,Colchester a kir hian an ṭhenawm te chuan Union Flag leh kutbeng in an lo lawm a ni.

A nupui student nurse, Kaitlyn Taylor chuan “a tir berah chuan a thih tur thu min hrilh a,a hnu ah damchhunga a kal theih tawh a rinawmloh thu ka dawng leh. Ka pasal damchhuah dan hi thil mak tak a ni” a ti ve hial.

Omar Taylor hi healthcare company care UK ah regional director a ni. In lamah hian chawlhkar 12 intensive rehabilitation a dawng ang. Hospital a awm lai khan ṭawng ah harsatna a tawk a tunah erawh thumal pahnih thum te chu a sawi ve thei tawh. A kut ding lam hi a la zeng a, doctor te erawh chuan treatment te a lak hnuah kum tawp lamah chuan 90% a a dam fel theih an beisei a ni.

DM