Mizo Elite News hi ṭha i tihzawng a nih chuan min lo Follow dawn nia

Covid Variant Thar Omicron Hlauh Vangin Doctor In A Nupui Leh A Fate Nunna A Laksak

Covid Variant thar Omicron chuan India ram a rawn thleng leh tawh a, mi tam tak hri thar vang hian chi ai leh hlauthawng reng reng in hun an hmang leh mek.

TNN te tarlan dan in Kanpur a Doctor pakhat chuan hri thar Omicron Variant hlauh luat ah a nupui leh a fate pahnih a tihhlum thu hriat a ni.

A nupui fanau nunna la tu hi Dr Sushil Kumar a ni a, Rama Medical College a forensic medicine ah professor a ni mek. Diary an chhar ah chuan Omicron vanga a chhungte hi tihlum a ni ngei tih a hriat theih.

Thi te hi Chandraprabha (48), Shikhar (18) leh a fanu niin, a fanu phei hi chu class 10 zirlai mek a la ni. Tualthahna thlenna hmun hi Indira Nagar a Divinity Apartment ah a ni bawk. Dr Sushil Kumar hian a chhungte a tihhlum hnu ah a unaupa chu call in a thil tih te chu a hrilh vek a, Police te hriattir tur in a ti bawk.

Police leh a unaute hi an va kal chuan ruang hi an va hmu a, Dr Sushil Kumar erawh a tlanbo daih. Police te sawidan in nu ber Chandraprabha hi rehhlum a ni a, an fate pahnih hi tuboh hmangin a chhu hlum. Ruang 3 hi post mortem tura laknghal a ni.

Diary an chhar ah chuan Sushil hian natna eng emaw tihdam theih rual loh vei angin a insawi a, a chhungte chu a chhuahsan theih silo. Covid thar hlauh luat vang chuan a chhungte chu zalenna pe anga ngaiin a tihlum ni in a lang.

Police ten tunah Doctor hi an zawng mek a, diary ah hian mahni intihhlum ve duhna lam a awm vangin a chhungte a thah hnu hian a intihhlum ve mai an ring a, Ganga ah diver te zawng tura tirhchhuah an nih thu India Today in a puang bawk.

Tun hi variant thar Omicron vanga thihna thlen hmasak berna a ni hial. Omicron hi South Africa atang a rawn irh chhuak leh tan a, India ah pawh kai hi 5 an awm leh tawh.