Mizo Elite News hi ṭha i tihzawng a nih chuan min lo Follow dawn nia

Covid Vanga Enkawl Mek An Nu Chu A Tawp Nan Video Call Hmangin An Thlahliam

Hripui hian chhungkua in hmangaih lai hi a va then nasa tawh tak em. Aw hripui kian zai rel tawh rawh, i cham rei tawh em mai.

Social Media kaltlang in an video hi a darh nasa hle a, nu pakhat khum a chau taka mu a hnukchat lek lek tawh chu a fate ho in a tawp nan Video Call kaltlangin mittui nen an thlah ta a ni.

“Nu, i mit kha rawn meng la, i tha a ni tih min hrilh hram rawh” tiin khum a a hun tawp hmang mek tu an nu chu tap chungin an au a, mahsela a fate tap thawm pawh hian an nu hi a au harh zo silo.

Harian Metro te tarlan danin he nu khawngaithlak tak hi Covid vangin Shah Alam Hospital ah enkawl a ni a, a dinhmun chuan that lam aiin zual lam a pan zel. A fate hian a bula hun hmanpui in kut ngeia chelh duh hle mahse hripui hlauhawm takin a dan beh tlat vangin an khawih thei lo a ni.

Hospital a thawktu ten a dinhmun an thlir in rei a dam tawh dawn lo tih an hria a,Video Call hmangin a tawp nan an nu thlahliam dan kawng hi an ruahman sak. A hnu rei lo ah a hnuk chatin a boral zui ta a ni.

A fapa chuan an chhungkaw chunga Covid nunrawn zia leh hlauhawm thu awareness a nei. “May 24, 4.45am khan Shah Alam Hospital ah Covid vanga chawlhkar 3 enkawlna a dawn hnu in min boral san a ni” tiin lungchhe takin a sawi.

An chhungkaw zinga pakhat in Office a a thawhpui thian atang hri a kai hnuah nu ber hian hri hi a kai ve leh niin an tarlang. Chhungkaw zing a mi pakhat hian chhungkaw member dang zawng zawng te dinhmun a hril thui hle a, chuvangin pawn ah chhuak tam lo ang che.