Mizo Elite News hi ṭha i tihzawng a nih chuan min lo Follow dawn nia

COVID Vaccine Lem Siama Hralh Tum Tu An Man

Hripui vangin mitin kan chi ai in kan buaizo tawh hlawm a, ngaihtuahna fim put pawh a har. Hri vanga kan buai mup mup lai hian ṭhenkhat ten dik lo takin sum siam nan hman an lo tum bawk.

Odishas Bargarh district ah mipa pakhat kum 32 mi Prahallad Bisi tia koh chuan COVID Vaccine ni a sawi damdawi lem alo siam a Police ten an man.

Drug Control Administration officials leh Police te chuan Prahallad Bisi hi Zirtawpni khan Bheden Police station area a Rushuda village a a chenna ah an va nang ching a, alakah thubuai siam in Case file a ni zui ta a ni.

Fake injections, labels leh syringes te chu a hmun ah hian an man nghal. Bargarh a Drug Inspector, Sashmita Dehury chuan mipa khat hnen aṭang he thil thleng hi an hria a, Bisi hian COVID 19 Vaccine siamchhuak in Market ah hralhchhuah a duh thu alo sawi.

Bheden police station ah Drugs and Cosmetic Act in case hi siam a ni tih Official in a puang a, “injection, a pawn lama ‘COVID-19 vaccine’ tih label in chhu kan man a,heng glass bur te hi court aṭanga phalna kan hmuh hnu ah test turin kan thawn” tiin Dehury chuan a sawi.

Bisi hian vaccine a siamchhuah lem (fake) te hi midang hnen ah ala hralh hman lo hlauh a ni awm e. Vaccine engtin nge a siam a a sawngbawl dan an zawh chuan top-secret a ni tiin a puangzar duh lo.

Vaccine bakah hian fake injection dang keu theih lohna infertility atan a hman tur label a Ovu Stop tia inziak an hmuchhuak tel bawk. Tetanus toxoid, cefotaxime sodium leh castor oil te chawlhpawlh in a lo sawngbawl a ni an ti.

Bisi erawh chuan Covid19 Vaccine a siamchhuah chu 100% in a hlawhtlin thu hrilhin a sawi nghe nghe.

TimesNow