Mizo Elite News hi ṭha i tihzawng a nih chuan min lo Follow dawn nia

Covid Vaccine Kan Pe Ang Che Tia Thlemin Hmeichhe Pakhat Chu An Pawngsual Rawn

Hripui nasa tak len karah pawh hlauh a hnek in misual tak tak te hian hun remchang ah an lo hmang tangkai zel mai zawng a nih hi.

India ram a Patna, Bihar state ah hmeichhe pakhat chu mipa pahnih ten Covid Vaccine an pek theih thu a thlem in an pawngsual rawn tih hriat a ni.

Misual te hi an hming Rocky leh Montu tia tarlan te an ni a, an pawngsual tak hmeichhia nen hian health centre ah an inhmu. Vaccine an pe thei tia an awih tir hnuah hruaichhuak in a kut leh ke an phuar sak bawk a an pawngsual ta mai a ni.

Investigated officer in Indo-Asian News Service te a hrilh dan chuan pawngsual tuartu hmeichhia hi a insaseng fel thei a, in lam ah him takin a haw. A chhungte hnen ah a chunga thil thleng hrilh in tualchhung Police te bulah thubuai an thlen.

Misual te hi tu te nge tih hriat an ni a, an pahnih in Police ten an man ve ve tawh. Victim hi kum 18 aia naupang a nih thu tarlan a ni bawk. Patna hi state dang ang bawk in Covid second wave tuar na zingah an tang ve mek.