Mizo Elite News hi ṭha i tihzawng a nih chuan min lo Follow dawn nia

Covid Relief Loan A Puk Chu Nuamtawl Nan A Hmang Tih Hriatchhuah A Nih Hnuah Jail Tang Tura A Chungthu Rel A Ni

Sum leh pai in mihring rilru alo hruai sual theih zia a chiang hle. He pa hian Covid Relief Loan a lak chu a hmanna tur nilo ah diklo taka nuam chen nan a hman vangin thubuai rit tak a awrh phah.

US pa pakhat Lee Price lll hian US government atang pawisa eng emaw zat chu dawt hmangin a puk a, a sumdawnna thil a mamawh tak angin alo insawi a ni. Mahsela pawisa chu a mimal thil lei nan a khawhral a, Lamborghini vel alo lei ham ham tih an hrechhuak.

A pawisa lakchhuah te hi mimal hamthat nan a hmang tih hriatchhuah hnu ah Price hi kum 9 Jail tang tura tih a ni a, pawisa hi $1.6 million (Rs 12 crore) zet a la chhuak.

Paycheck Protection Program (PPP) hmangin pawisa hi a la. Driver license leh tax record dik lo a thehlut. He loan hi Coronavirus pandemic in a nghawng nasat zual te mamawh phuhrukna tur a buatsaih a ni a,hri vanga businesse a harsatna tawk tu te dawmkanna tur a ni.

Bank thenkhat te chuan Lee Price lll application hi an reject sak laiin lo pawm tu an awm a, pawisa hi a lakchhuah theih phah. Application pakhat ah phei chuan Company pakhat Price Enterprises nei angin a inchhal a, a company ah hian hnathawk pawh 50 awm in monthly payroll ah $3,75,000 angin a sawi bawk.

Thil thleng te an chhui chhoh tak zelah chuan Price hian business a khawih anga a insawi ah hian engmah thudik a lo awm reng reng lo a, pawisa $9,37,500 a dawn hnu fe ah chauh a chetdan tenawm tak hi an hrechhuak a ni.

Court document atang a landan in Prince hian a pawisa lak te hi Rolex sana, Lamborghini Urus, Ford F-350 leh thil dang lei nan a lo hmang. Paycheck Protection Program kalpui atang Price anga diklo taka loan la hi mi 130 aia tam an awm nia hriat a ni.

Hmanni lawk pawh khan Texas pa pakhat pawh relief loans atang $17 million hmangin chenna in 8 leh car alo lei nual tawh bawk.