Mizo Elite News hi ṭha i tihzawng a nih chuan min lo Follow dawn nia

Covid Laka A Nu Leh Pate Damchhuah Leh Lawmnan Hospital Staff Te Hnenah Buhfai A Pe

A nu leh pa te hian hripui Covid19 an vei vangin enkawl ngaiin an awm a, Chennai a Rajiv Gandhi Government General Hospital ah enkawl an ni.

Kum 70 chunglam ve ve an nih tawh vangin an dinhmun pawh a zual hle. Covid ICU ah ni 8 lai enkawl an ni bawk. Mahse vanneihthlak takin hripui hi hnehin dam takin damdawiin an chhuahsan fel thei.

Damdawi in atang an chhuah hnu ah an fapa hi a nu leh pa te theihtawp chhuaha enkawl damtu damdawiin a thawk te chungah a lawm hle a, a lawmzia lantir nan Hospital Staff te hnen ah buhfai a lo pe a ni.

Buhfai te hi hospital thawktu mi 100 velin 5kg theuhin an chang thei dawn. Hospital thawktu mai bakah damlo dangte hnen ah pek a ni bawk tih tarlan a ni.

Hripui leng hi kum upa lam taksa chak tawh lo tan hlauhawm viau a sawi a nia, mahse kum upa enkawl dam hi thil thar a ni hran tawh lo. Chennai damdawiin ah hian hrivei mi 20 te chu kum 90 chung an nia, a upa ber pawh 99 a ni.

Damdawiin a an hotu ber Dr. E Theranirajan chuan a hma pawhin an damlo ten an lawmzia lantir nan hospital staff te hnen ah thil pek an hlan thin tawh thu a sawi.