Mizo Elite News hi ṭha i tihzawng a nih chuan min lo Follow dawn nia

Covid In An Nunna A Laksak Hma Lawkin Hospital Khatah Kut Inkai Chungin

He thlalak thinlung khawih tak hian hripui Covid19 nunrawn zia hi a tichiang ang reng hle a, hnuk hial a ti ulh thei a ni.

Partington a nupa kum upa tawh tak pahnih Margaret leh Derek Firth te chu Covid19 in an nunna a laksak hma in Hospital khat ah a tawp nan kut in kai chungin an hun hnuhnung an hmang dun thei.

Kum 91 a upa ve ve an ni a,kar kalta khan Trafford General Hospital ah an boral. Kum 14 an nih atanga inchhai tawh an nia, kum 70 lai chu an lo innei ve tawh a, an hnukchah dawn thlengin an in hmangaihna chu hmuh theihin a la parvul tha hle bawk.

Margaret hi Wythenshawe Hospital ah dahluh a ni phawt a, mahse a hnu ah Trafford ah an sawn leh. Derek hi Wythenshawe ah admit in Doctor in a dam rei an rin tawh loh vangin Trafford ah a nupui kiangah an sawn leh a ni.

Derek hi thi hmasa zawkah tangin January 31 khan a boral a, Derek thih atang ni 3 ah Margaret hi a boral zui ve nghal. Covid mai bakah an kum upa tawh nen hriselna chungchang ah insawiselna an nei a ni.

May 1950 khan an innei a,fa 5 neiin Tu pawh 11 zet an nei bawk. A vuina hun hi engtik ah nge an neih dawn tih an chhungte hian puang rih lo mahse joint ceremony in neih a rinawm. An khawngaihthlak khawp mai.