Southern California a cheng pa pakhat Mustafa Qadiri tia tarlan chuan federal Covid-19 relief funds atan a dah sum tam tak chu a ma mimal hamthatna leh thil lei nan a hmang tih hriatchhuah a ni.
Federal Government te chuan kum 38 a upa California pa hi a thil tih an hriat hnu ah an man a, Paycheck Protection Program of the US government chu Qadri hian phiarrukna in a lo ti chingpen.
Paycheck Protection Program of the US government hnuai atang $5 million lai loan a hmu a, he pawisa hi Covid-19 pandemic lai a economic losses vanga buaina phuhrukna tura tih a ni.
Loan a hmuh hnu ah hian dik lo takin a hmang a, Qadiri hian luxury cars Ferrari, Bentley leh Lamborghini te a lo lei vel ham ham. Hei bakah PPP loan atanga a hmuh chu Vacation leh a mimal thil atan a hmang bawk.
Qadiri hian Bank pathum, company awm lo 4 atang loan applications dik lo a submit a, bank records, tax returns siam chawp a lem leh hnathawk te information diklo pui pui a submit tel. Media reports in a tarlan ah a Loan zinga pakhat phei hi midang hming, social security number leh signature te apply nan a hmang tih an hre leh zel.
Man a nih hnu ah $100,000 bond siam in chhuah leh a ni a, June 29 ah trial hi nei leh tura tih a ni. Heng pawisa dik lo taka a hmanna Ferrari, Bentley leh Lamborghini bakah a bank account a $2 million la awm te authorities ten an chhuhsak zui bawk.