Mizo Elite News hi ṭha i tihzawng a nih chuan min lo Follow dawn nia

COVID-19 Positive Enkawl Lai Mek Mizoram Minister Damdawiin Chhuat Nawtin India Ram Chanchinbu A Luah Hneh

Hripui Covid19 positive vanga tuna Zoram Medical College a enkawl mek Minister, Pu R Lalzirliana damdawi chhuat a nawt lai thlalak chuan Mizoram mai nilo India ram news hrang hrang a luah hneh hle.

May 11 khan Pu Zira hi a nupui Lalthangmawii (59) nen Covid19 an Positive vangin ZMC ah enkawl an ni a, May 8 khan an fapa chuan hri hi a vei a ni tih hmuhchhuah a lo ni tawh bawk.

Pu Zira chuan hetianga hmun tihfai leh chhuatnawh hi atan thil thar a nilo a, an chenna in leh hmun dang ah te pawh alo tih fo thin a nih thu a sawi a, PTI te hnen ah chuan hei hi Doctor leh Nurse te tihzah a tumna nilovin midang te tan entawn tur leh kawhhmuh tu nih a duh vang a nih thu a hrilh.

Minister zahawm tak hian Delhi a zinchang pawh in Mizoram House chhuat a lo nawt fo tawh thin nia sawi a ni a, hei hian a nihna avang a hna dang a zahpui loh zia a tichiang hle awm e.

Pu R Lalzirliana hi tunah Mizoram’s power and electricity department minister bak ah district council and minority affairs minister dinhmun a chelh.

A chanchin entawntlak tak hi India ram News site lar tak tak, NDTV, Indiatimes, DH, Abplive,Timesnow, News18, Eastmojo leh hmun dang ah te chhuahin fak pawh a hlawh hle.