Mizo Elite News hi ṭha i tihzawng a nih chuan min lo Follow dawn nia

Coronavirus Vei Chuan Fa Phir A Neih Hnu Lawkah A Boral Zui Nghal

A fate tan nu ṭha tak ni turin alo suangtuah ve nasa ṭhin. A suangtuah ang ngei chuan fa phir (twins) a han nei a. Mahsela vanduaithlak takin a fate chu a mangṭha zui a ṭul.

A pasal Diego Rodrigues pawh a nupui in an fate a mangṭha a ngai nghal chu tawrh thiam leh pawm harsa a ti tak zet.

Brazilian nu Larissa Blanco (24) hian Sao Paulo a private hospital ah fa phir Guilherme leh Gustavo tia koh te chu June 27 khan a hring.

Larissa hi nau a neih hma hian covid19 symptom in a awm a, June 12 khan test an neih chuan Covid19 hi a positive tih hriat a ni. Mahsela nau hi a nei tlang tho a. Fa pakhat a neih pawn engtin ala awmlo mahsela pahnihna a neih hnu ah buai zuiin vanduaithlak takin hemorrhage tawkin blood transfusion ngaiin a awm. A dinhmun in zual lam pan in cardiac arrest in a hnu ah a boral phah.

Doctor te chuan hri hian a taksa a hneh tawh a, a thih chhan ah hian hripui Covid chu an mawhpuh ber. A pasal Diego pawh a nupui chunga thleng hian a ṭhawng tak zet a. An fate pahnih a hmuh phei chuan rilru na in a ṭapchhuak a ni.

Diego chuan hrehawm ti tak chungin a nupui chunga thleng chu Pathian in an ṭhatna tur zawka a remruat ah a hriat thu a sawi. A ni pawh a hma in Covid19 hi alo positive ve tawh bawk a. Damdawiin ah a fate nen hian discharge hma la awmtir an ni. Larissa hi Brazil a 60,000 chuang coronavirus victims zinga pakhat a ni.

Mirror