Mizo Elite News hi ṭha i tihzawng a nih chuan min lo Follow dawn nia

Coronavirus Vanga Nunna Chan Leh Vei Thar An Pung

Virus mak leh danglam, hlauhawm tak leng mek vangin China chuan harsatna a tawk mek a, he virus hian China chauh nilo khawvel hmun hrang hrang pawh a ti ralkhel hle.

Wuhan aṭang a rawn irh chhuak nia sawi a ni a hei vang hian Wuhan Virus tiin a hming ah an ko bawk. Kai/vei a awl em vangin zan khat thil thu ah nunna chan phah leh a vei thar an pung nasa tual tual a ni.

Thawhṭanni khan coronavirus vanga thi hi mi 81 niin an tarlang. Thawhlehni ah chuan coronavirus vanga nunna chan hi 80 aṭang 106 ah a kai chho. Natna vei hi mi 2,835 aṭang 4,515 ah a kai tak dawr bawk thu National Health Commission lam in a tarlang a, a vei naupang ber hi thla 9 mi Beijing a cheng a ni.

China mai bak ah ram dang ah pawh coronavirus hi a ṭai darh mek. Khualzin ah te pawh nasa takin an fimkhur a, ram dang mi te chu an hriselna enfiah hmasa vek phawt tura hriattir an ni a, China tih loh Thailand (14) Hong Kong (8), United States, Taiwan, Australia leh Macau (5) Singapore, Japan, South Korea leh Malaysia (4) France (3) Canada leh Vietnam (2) leh Nepal, Cambodia leh Germany (1) te coronavirus vei an awm tawh angin an tar.

India ramah pawh coronavirus vei nia rinhlelh hi awm mahse a vei chiang erawh hriat an la nih loh thu an sawi a, tumah nunna chan anla awm lo an ti. Mipui te chu chi ai lo turin hriattir an ni bawk.

Nytimes