Mizo Elite News hi ṭha i tihzawng a nih chuan min lo Follow dawn nia

Coronavirus Vanga Mangṭha Tia A Hringtunu A Thlahliam Theihloh Vanga Hrehawm A Tihzia Mittui Nen A Rawn Sawi

Chhungkua a chenpui ngawih ngawih in hmangaih em em te chu he virus hian inthlahna mumal leh invuina mumal pawh nei thei lo in a pawt ṭhen. Tuartu chan a indah chuan rilru nat thlak tak zawng a va ni chiang kher mai. Inkhawih a inkuah chu sawi loh inhmuhna kawng tak ngial pawh a kaw lo.

He tlangval mittui tla zawih zawih a a nu boral chungchang a rawn sawi hian Coronavirus nunrawm zia a rawn tarlang chiang kher mai.

Portsmouth a mi Stuart Hamlin hi Thawhṭanni ah a nu Tracy chuan Coronavirus vangin damdawiin ah a luhsan a, a luh aṭanga ni 4 hnu mai Ningani ah chuan a awmna Queen Elizabeth Hospital ah a boral.

Hospital lam hian virus hi inkai a awlsam vangin tumah tlawhtu neih an phallo a, hei vang hian a nu hi thlahna hun pawh a nei thei lo.

A nu in a boral san hnu lawk hian Hamlin hian Video siam in mittui tla zawih zawih chungin a nu Tracy damchhunga hmu tawh lo tura a mangṭha theih loh vangin a rilru nat zia a sawi.

“Ka nu hi Thawhṭanni ah damdawiin ah dah luh a ni a. Dah luh a nih hnu lawk ni 4 ah min boral san. Kan in kuah thei lo a, inthlahna mumal engmah kan nei thei lo. Hetiang hi ka nuna a thlen ka beisei in ka ringpha ngai lo a, a na tak zet, ka natna hi sawifiah thiam phak rual a nilo. Ka nu ka hmangaih che a, nang chuan beiseina ka neih loh a ka beidawn chang pawh in a ṭha leh vek mai ang tiin min thlamuan ṭhin. Phuloh hmangaihna min hlan zawng zawng te avang khan i chungah ka lawm a, ka thinlung ah hian engtik lai mah in ka theihnghilh tawh ngai lo ang che” tiin hnukulh tak in a nu hi a lo thlahliam a ni.

Hamlin video hian mitam tak a vel ṭap nasa hle a, video hi mi maktaduai 4 chuang en tu a nei hman. A tawrhna avang chuan an lainat thu sawiin fuihna thu ṭha tak tak a dawng nual bawk.

DM