Mizo Elite News hi ṭha i tihzawng a nih chuan min lo Follow dawn nia

Coronavirus Vanga ‘Ka Nu Ka Thi Dawn Em Ni?’ Tia A Fapa In A Zawhna Hi Nu Tan Chuan Chhanna Pek A Va Han Har Dawn Tak Em

A fapa zawhna hi hringtunu tan chuan chhan harsa tak zawng a ni ang. Nu thinlung kehsawm vek theihna tur khawp chu a fapa hian chhanna beisei takin a nu hnen ah hian a zawt.

Worcestershire a mi nu pakhat Lauren Fulbrook, 30 tih chuan a fapa kum 5 mi Alfie an Coronavirus a kai dan chungchang chu Media ah a rawn sawichhuak a.

A fapa Alfie hi swimming lesson a neih zawh aṭang a dinhmun a chau chho ṭan a. Thawhṭan a nih chuan a aw chhang in mahsela chumi ah pawh chuan Lauren hi ngaihṭhatlohna em em a nei lo.

Thawhleh zan a nih chuan a temperature chu a sang chho ṭan a. Ningani hmel an hmuh chuan a fapa Alfie temperature chu 42.3 a nih chhoh tak avangin a ngaih a ṭha thei tawh lo.

Engmah a ei thei lo a tui lem tak ngial pawh a harsat a che hleithei lo in a khuh bawk a ni. 111 chu a call nghal thuai a mahsela Hospital lam te chuan an buai em avangin an la hleithei lo. A hnu deuhah chuan a han zia leh deuh a, a zia rei thei tak tak chuang lo.

Alfie chu a luak a, a khawhmuh te vaiin a ṭap a, a nu hnen ah a lu chu puak tur ang maia a awm thu a hrilh. Worcester hospital ah inhruai lutin Mask te an inbel hnu ah isolation room ah nawrluh a ni a test an han neih chuan Covid19 chu alo positive ve reng a lo ni.

Lauren chuan a fapa mangang leh hlauthawng chuan “nu, ka thi dawn em ni?” tiin zawhna min zawt a ti. Paramedic leh Nurse te chuan theihtawp in an enkawl a, damdawi te pe in an hnem reng bawk.

Lauren chuan an chanchin aṭang midang te hnen ah Coronovirus chu fiamthu thawhna chi a ni lo a, thil satliah a ni ngawt lo ‘Coronavirus is NOT a joke’ tiin a post. Lauren post hian vawi 51,000 chuang Share a tawk hman. Alfie hi tunah chuan a dinhmun a ṭha chho zel a ni tih a sawi.