Mizo Elite News hi ṭha i tihzawng a nih chuan min lo Follow dawn nia

Coronavirus Lak Aṭanga In Enkawl Dam Tawh Nurse Chu Mipui Ten Hri A Kaichhawn Leh An Hlauh Vangin Nasa Takin Sawisa, A Chenna In Hal Bawk

A van lainatawm tak em. A duh reng vanga he hri hi kai a ni bik lo a mahsela a chenna a midang te chuan amah an hlauh vangin nasa takin an sawisak rawn.

Western Argentina a mi nurse hnathawk Daniel Porro hi June 19 khan Covid19 a vei tih hriat a ni a, Bouquet Roldán Hospital ah ni 14 lai enkawlna a dawng. Test an neih leh chuan a negative a damdawiin aṭang hian chhuah tirin a nu kiangah a damṭhat hma chu a awm.

Ngai a awh leh hnu ah a chenna Neuquén ah a kir a mahsela Neuquén town of Colonia Nueva Esperanza a kir hian a awmna a mite chuan an lo lawm lo. Mipui te chuan Porro hi nasa taka kutthlak in an lo sawisa ni.

Mipui te hian hetia an sawisak chhan chu Porro hian virus hi midang kaichhawn in a thehdarh leh an hlau a ni. In enkawl dam a ni tawh chung pawn an lo hlau tlat.

Mipui thinrim chuan pet in an hnek bawk a, vua in nikhawhrelo hialin an lo siam.Hei bakah hian a chenna hal a nih bakah a lirthei te pawh ruksak a ni.

A ṭhenawm a mite chuan an lawm loh thu leh a chunga an chet dan hi hospital khum aṭang Argentine newspaper LM Neuquén hnen ah a lo hrilh a, Coronavirus positive a nih vanga hetia a laka thinrim ta hi an ni a ti.

Porro vua a nasa taka sawisak a nih leh a chenna in hal bakah a car thleng ruk sak anih chungchang ah hian Authorities te chuan tumah man an la nei lo.

DM