Mizo Elite News hi ṭha i tihzawng a nih chuan min lo Follow dawn nia

Coronavirus In Trump Chhungkua A Hnaih Hret Hret

He hri hi chuan mi lian leh hausa reng thliar hran bik a nei chuang der lo a, a hma a chhuak ang ang chu a vai hma hmiah hmiah zel mai zawng a ni.

Coronavirus chuan Trump chhungkua pawh a hnaih chho ta hret hret zel a. Donald Trump fapa upa ber Donald Trump Jr bialnu former Fox News television personality, Kimberly Guilfoyle chu Coronavirus a vei ngei tih Zirtawpni khan US Media ten an puang.

Kimberly Guilfoyle hi Trump campaign atan hna a thawk ve a, kar kalta khan Trump Jr nen Hamptons ah Mask vuahlo in Party ah an tel thu New York Post chuan a report. Sergio Gor, chief of staff to the Trump campaign’s finance committee chuan Guilfoyle lakah inkhunghranna kalpui nghal anih thu an sawi a. A tirah chuan hri hi an hmu lo a, mahse retest an neih leh hnu in hri a vei tih hi an hmuchhuak. Amah ah Covid19 symptoms hi a langchhuak lo.

Guilfoyle hi a hriselna dinhmun erawh a ṭhat thu an sawi a, Public events a tel tur hmachhawp te pawh cancel vek a ni.

Hetih lai hian a bialpa Trump fapa Donald Trump Jr. erawh in hri hi a vei lo thung. Amaherawhchu fimkhur thu hla ah Donald Trump Jr pawh hi inkhunghrang tura tih a ni a, Public events a telna tur pawh cancel nghal a ni ve bawk.

President hnaih tak tak tu zingah hrivei an hmu chho zel a, hri laka fihlim turin President Trump pawh hian a hma aia venhimna uluk zawk ala mamawh chho zel dawn a ang.

News18