Mizo Elite News hi ṭha i tihzawng a nih chuan min lo Follow dawn nia

Coronavirus Hlauh Luat Ah A Nupui Kaphlumin A Nunna Pawh A La Ve Nghal

Chanchin rapthlak tak tak in min hual vel mek a, a hriat pawh a nuam lo tak zet a ni. A ṭhen in Virus vangin nunna an chan a, a ṭhen an lo intihlum bawk.

Chicago pa Patrick Jesernik, 54 hian tunlai hripui Coronavirus chu an vei a hlauh luat vangin a nupui Cheryl Schriefer, 59 chu kaphlum in a hnu ah amah pawh a inkaphlum zui ve nghal.

An nupa hian room hran ve ve ah thi a hmuh an ni a, an ruang hmuh a nih hian chhuat vel ah te thisen hmuh tur a awm nual. Patrick Jesernik hian a nupui hi a tukhum ah a kap a, a hnu ah a lamah a silai ken hi a hmet puak zui leh niin a lang.

In ah tukverh leh kawngkhar te chu chhung lam aṭang kalh a nih thu an sawi. Thu lakna in a tarlan dan chuan nupui zawk Schriefer hian thawk lam ah harsatna a tawk a coronavirus symptom nen a in an em vangin a in test bawk.

Schriefer hian an chunga thil thlen hma ni 2 liam ta khan test hi a nei a ni. Result pawh an hmu hman lo. Hlauhthawnna avangin an nunna an chan phah. Test neihsak an nih leh pawn an nupa hian Covid19 hi an la negative ve ve tih hriat a ni.

MailOnline