Mizo Elite News hi ṭha i tihzawng a nih chuan min lo Follow dawn nia

Coronavirus Chuan Chhungkua Te Chu A Suat Rem

Chhungkaw khata hetiang chhiatna a indawt zuta a thleng hi a va rapthlak tak. He hri nunrawn zia leh khawngaihna neih loh zia tilang chiang tu a ni zel.

Chhungkua te chu Coronavirus in a suat rem chiang hle a, chhungkaw member 3 te hi a rual deuh thaw in nunna an chan vek a ni.

Burton-on-Trent, Staffordshire a cheng Covid19 in a run chhungkua te chanchin hi an fapa kum 60 mi Richard chuan a sawi a, chawlhkar 2 liam ta khan a nu leh pa Keith,84 leh Jean MacVicar,82 te chuan nunna an chan.

A hnu hian a unaunu Jayne chuan Covid19 hi a vei leh a, Richard hian a unaunu chanchin hi sawiin Queen Hospital ah a natna hi a sual mek tih April.11 khan a sawi a, a dam theih nan ṭawngtai pui turin midang te hnen ah a rawn ngen. Mahsela Jayne pawh hi Inrinni khan he hri vang hian a boral ve leh a ni.

Jayne hi former Staffordshire Police crime analyst a ni a, a boral hma hian Facebook lam ah a ṭhian te chu social distancing ngaipawimawh a zawm turin a chah nasa hle bawk.

A rual deuh thaw a in khata khawsa ho aṭang ruang 3 reng reng a chhuak chu a rapthlak tak zet a ni. Richard chuan a thil tawn chu horror movie nen a tehkhin hial.

DM