Mizo Elite News hi ṭha i tihzawng a nih chuan min lo Follow dawn nia

Corona Beilet Tu Police Chuan Ni 5 Chhungin Hripui Covid19 Vangin A Hmangaih 3 Te A Chan Vek

Hripui nunrawng lutuk hi chuan khawngaihna leh lainatna reng a nei lo. Chhungkaw inhmangaih leh inthlahlel ngawih ngawih te pawh a then hrang hmiah hmiah zel chu a nih hi.

India ram Gujarat a Ahmedabad ah Covid beilettu Police pakhat chunga thil thleng hi rilru natthlak leh mihring lam chan atang chuan hriatthiam harsa tak tur chu a ni. Ni 5 chhung lekin a hmangaih a chhungkua te chu Covid19 vangin a chan vek.

He Police Constable lainatawm tak hi a hming Dhawal Rawal a nia, Ahmedabad ah Corona Warrior in hna alo thawk a ni. Dhawal Rawal hian ni 5 chhung lekin a nu leh pa leh a unaupa te chuan hripui vangin an boral san.

A nu leh pa leh a unaupa te hi Thakkaranagar,Ahmedabad a Private Hospital ah an admit. An dinhmun chuan zuallam a pan zel avangin a nu leh pa te hi Civil Hospital ah admit leh an ni. A unaupa erawh Private Hospital dangah admit a ni thung bawk.

Mahsela vanduaithlak takin a chhungkua mi 3 te zingah hian tumah damchhuak an awm lo. November 14 khan a nu a boral phawt a, a nu boral atanga ni 2 hnu ah a pa chu a boral ve leh nghal. Hemi hnu ah a pa thih atang ni 2 vel bawk an liam leh chuan a unaupa pawh in a kalsan zawm ve leh ta a ni.

Rawal thil tawn hi a rapthlak tak zet zet a, chawlhkar 1 ai pawh la reilo ah vawi 3 lai lu a sun hman hi a nat dan tur sawifiah thiam theih rual a nilo.Rawal atang hian hripui hi fiamthu mai mai a nih loh zia leh fimkhur a tul tak zet tih a rawn tichiang khawp mai.

Ahmedabad ah hian Pathianni thleng khan Case thar 341 an nei a, case hi he thu buatsaih lai mek hian 47,309 awm in, an la pung chho hret hret zel bawk.

IT