Mizo Elite News hi ṭha i tihzawng a nih chuan min lo Follow dawn nia

Copa America Champion Argentina

Copa America 2021 final khelh zawh a ni ta a, Argentina chuan kum 28 hnua a vawikhat nan South American champion an ni a, Argentina hian Brazil 1-0 hnehin Angel di Maria chuan goal awmchhun hi a khung a ni.

Brazil coach Tite chuan Semi finala lut ngaite luhtirin, Lionel Scaloni chuan semi final aţangin player pali ngawt a thlak danglam a, tlar hnungah player pathum Acuna, Muniel leh Romero te dah lutin, Di Maria an hmun a chang bawk.

Brazil XI : Ederson; Lodi, Marquinhos, Silva, Danilo; Fred, Casemiro; Richarlison, Paqueta, Everton; Neymar

Argentina XI: Martinez; Acuna, Romero, Otamendi, Muniel; De Paul, Peredes, Lo Celso; Di Maria, Martinez, Messi

Inkhel țan phat ațangin boruak a sang nghal hle a, foul kan hmu tam viau nain goal shot erawh kan hmu mai lo. Minute 22-ah khual chan chang zawk Argentina chuan goal hmahruai an khung a, Rodrigo de Paul long ball țha tak chu Angel Di Maria chuan changin Ederson a pet khum a, mawi takin a goal.

Minute 25-ah Casemiro chuan shot neiin goal ban sirah a kal a, minute 31-ah Lionel Messi shot pawh goal ban pawn lamah a kal ve bawk.

Second half-ah Tite chuan CM Fred aiah Roberto Firmino a dah lut a, minute 52-ah Richarlison chuan goal khungin offside avangin pawmsak a ni lo. Minute 54-ah Richarlison chuan chance țha tak neiin Martinez chuan a save sak.

Inkhel a hmuhnawmin an țang hle a, foul a tam avangin referee kan hmu tam viau bawk.

Minute 86-ah Gabi shot ţha tak chu Martinez chuan țha takin a save sak a, minute 88-ah Messi chuan goalkeeper chauh a hmachhawn hnuah ball pet hman lova chesualin ball a hloh. Minute 5 hun pekbelh a nih hnuah pawh goal dang luhbelh lovin Argentina chuan 1993 hnua a vawikhat nan Copa America an champion.

Source : Sport Chanchinthar (Tetea)