Mizo Elite News hi ṭha i tihzawng a nih chuan min lo Follow dawn nia

Construction Hnathawk Fanu Chu UPSC Exam Ah 481 Rank A Hmu, IAS Officer Nih Ngei Tumin Tan Ala Mek

Tumna a san leh tlakna pawh a sang nge nge thin an tih kha. Kerala a Thiruvananthapuram a mi construction labourer fanu chuan tum 4 a beih hnu ah UPSC exams ah 2020 khan 481 Rank a hmu a, October 10 a UPSC examination hmahruai neih leh turah a inbuatsaih mek.

“Hetiang thil ka chunga a thleng ve ta hi rin harsa ka ti khawp mai. Kum 15 kal ta atang tawh khan IAS officer nih hi ka chak leh ka tum ruh ve em em a ni a, ka suangtuahna puitlin tur hian exam hmachhawn turin ka inbuatsai leh mek a ni” tiin news agency te a hrilh.

Kum 27 a upa S Aswathy hian an chhungkaw dinhmun in a zir lo viau chungin a nih tum a nih theihna tur ah erawh a kawng indal tir a tum lo hle. Class VIII a nih atang daih tawh a IAS officer nih a lo chak tawh thu a sawi nghe nghe.

Amaherawh chu a tir ah engineering lam kawng a zawh phawt a,Thiruvananthapuram a Government Barton Hill Engineering College ah te a lo lut ve tawh a ni. Mahsela a nih chak em em chu a theihnghilh thei si lo. Kum naupang te a nih atang alo tum chu a puitlin theih nan 2017 khan a in resign a IAS lam kawng a zawh ta zawk a ni.

A hringtupa Premkumar P pawh in a fanu in a lo chak em em a nih theih nan a kawng zawh ah nasa takin a tanpui bawk. “Ka fanu hi a zirna kawngah a thawkrim a, school a kalna ah a tha pawl a ni thin. Hetiang fanu ka nei hi ka inchhuang a ni” tiin a fanu hi a fak ve hial.