Mizo Elite News hi ṭha i tihzawng a nih chuan min lo Follow dawn nia

Constable Hmeichhia Chuan Chenna In Neilo Nu Leh A Naute Chu Ei Tur Pe In Chhungkua Ang Maiin A Buaipui

A hnathawh zahawm tak nen a thil tih hi a inhmeh in mitam tak thinlung a khawih hle a, an fakna leh an chhuan zia thu tam tak tarlan a ni bawk.

Hyderabad a Moghalpura police station a mi constable hmeichhia, B Rajya hian nu pakhat leh a naute chenna in neilo chu tuamhlawm in chhungkua ang maiin alo buaipui.

A team te chuan he hmeichhia Sana Banu leh a naute te hi an hmuh hnu ah station lam ah an hruai. Rajya hian Banu leh a fanu te hi a theihtawp in a lo ṭanpui a, ei tur pawh pe ringawt lovin a ma kut ngei hmangin a lo barh.

“Engmah thil an ei lo tih an hmel aṭang in a lang. Banu hi kal ṭha thei lo in a ṭawng hleithei lo bawk. Chaw ka pek in ei a tum lo a,a naute pawh a hrai lo tih a hriat a ni. Kei pawh nu ka ni ve a, fanu kum 13 leh fapa kum 10 mi ka nei ve. Ka fate ka ngaihtuah in ka hmu thei thlawt lo” tiin a sawi.

Naute hi pawm in milk powder in a hrai a, a nu hi chaw pangngai a ei tir bawk. Police Commissioner Anjani Kumar chuan constable Rajya in chenna neilo hmeichhia a kut ngeia kuangkuaha chaw a barh chu a hmuh in a thil tih ah a chhuang hle tih alo sawi bawk.

Police te sawidan in Banu hi fahrah a ni a, a fanu thla 2 a upa vel a pai laiin a pasal hian a boral san. Khata ṭang khan chenna mumal neilo in a vakvai a, tunah chuan a fanu nen hian orphanage ah an awm tawh a ni.

IT