Mizo Elite News hi ṭha i tihzawng a nih chuan min lo Follow dawn nia

Conor McGregor chu a fate hringtunu Dee Devlin nen inhual ta

Former UFC champion Conor McGregor chuan hun eng emaw chen alo zui tawh leh a fate hringtunu ni bawk Dee Devlin nen an inhual thu puangzar na a nei.

McGregor hian thla liam ta khan a piancham vawi 32 na a lawm. Instagram ah ‘What a birthday, my future wife!’ tiin a post a, thlalak ah hian Devlin hian inhualna zungbun ni ngeia hriat langsar ang reng takin a tilang.

An pahnih hian 2008 aṭang an inkawp ṭan a hetih lai hi McGregor a’n UFC a bul a ṭan chhoh lai a ni nghe nghe bawk. Devlin hian McGregor hi UFC a bul ṭan turin theihtawp alo chhuah pui a ni.

Report in a tarlan dan chuan France a holiday an hman ṭum in McGregor hian Devlin hi nupui atan a sawi thu an sawi. Tunah hian fa pahnih Conor Jr (kum 3) leh Croia (kum 1) te an nei mek. May thla khan McGregor hian in fight chawlhsan in a retire thu a lo puang tawh bawk.

DM