Rel thenkhat ah chuan a chhung a len tawh loh vang ten a pang ah an bet tang tang zel a, India ram ah hetiang hi hmuh tur a tam thin khawp mai. Chetsualna pawh a thlen ngun phah hle.
Ningani chawhnu khan Chennai a College zirlai rawlthar pakhat kum 19 upa chu EMU train tlan lai mek footboard atang a tla thla a, a nunna a chan phah tih hriat ani.
He zirlai hi a hming A Neethi Devan a ni a, Tiruvalangadu, Tiruvallur district a Orathur village a cheng leh khawsa ani. A chetsual hnu hian Tiruvallur a sawrkar damdawiin ah hmanhmawh taka hruai nghal in Doctor ten a boral thu an puang.
Tarlan dan in A Neethi Devan hi college atang a in lama a haw lam a ni a, Presidency College ah second-year economics student a zir mek. Police te sawi dan chuan dar 3.15 pm a thleng kha niin Neethi hi rel kawngka footboards ah a ding a, a invawn nghehna chu pial palh in a tla zui ta ani.
Rel kawng hnaih ah a tla thla a, a ke pahnih ah hliam na tak a nei bawk. Ambulance te ko mahse a hliam a nat em vangin a nunna hi chhan theih a nih loh thu an puang nghal. GRP chuan chetsualna thleng ah hian midang te chu fimkhur turin thuchhuah a siam.