Mizo Elite News hi ṭha i tihzawng a nih chuan min lo Follow dawn nia

College Campus Ah Zirlai Pakhat Chu A Classmate In A Hrawk Ah Zai Sak

College a zirlai pakhat Exam nei tura kal chu College Campus ah ngei khaw en lai reng in a zirlai pui in a hrawk ah zai sak in a nunna a laksak thu hriat a ni.

Zirtawpni,October 1 a Kerala’s Kottayam district a thleng kha a ni a, Kottayam a St Thomas College Pala ah niin 11.30 am bawr vel a ni a tualthahna rapthlak a thlen lai hian campus ah zirlai dang te pawh an awm ve bawk a ni.

Nunna chan ta zirlai hmeichhia hi Nidhina Mol a ni. Food Technology a zirlai a ni mek. Tualthat tu Abhishek Baiju hi a classmate a ni a, thil thlen hnu ah Police ten man in Custody ah an hruai nghal a ni.

College a watchman hnathawk Jose chuan a thil hmuhdan a sawi ah Nidhina Mol leh Abhishek Baiju te hi theihai kung hnuai ah dingin an inhnial deuh a, eng nge an buaina tih hriat tuma a ngaihven dawn laiin Nidhina Mol nghawng atanga thisen rawn chik chhuak chu a hmu zui ta a ni tih a sawi.

Jose chauh hi an inhnial buai anga sawi tu a nilo a,thil thlen laia a hmun a awm ve dang te pawn Nidhina leh Abhishek te inhnial buai lai hi an hmuh thu leh chumi hnu ah a hrawk a chemte hmanga a beih tak thu an sawi ve bawk.Abhishek hian Nidhina hrawk zaina atan hian paper cutter a hmang a ni.

Staff te chuan rang takin Nidhina hi damdawiin hnai berah an hruai nghal thuai a, mahsela a thawk chu zawi zawi a a muan hnu ah damdawiin an thlenpui meuh chuan a lo thi fel der tawh.

Kottayam Superintendent of Police Shilpa Dyavaiah chuan thil thleng hi chik zawk a chhuizui mek a nih thu a sawi. Nidhina leh Abishek te hi Food Technology degree ah third year students ve ve an nia, college ah hian supplementary exam neiin exam hall atang a Nidhina chhuah hnu rei lo ah tualthahna rapthlak hi a thleng zui ta a ni.