India ram Uttar Pradesh a Sultanpur District a Private Nursing Home ah hmeichhe pakhat nau nei tur chu Surgery tihsak a nih hnu ah amah leh a naute ten nunna an chan thu hriat a ni.
Damdawiin an tihna Maa Sharda Hospital neitu Rajesh Sahni chuan Surgery nei tur hian mi pakhat Saini khua Rajendra Shukla a chhawr a, mahse Rajendra Shukla hi zirna lamah pawh Class 8 thleng chauh a kal.
‘caesarean section’ tihsak nan hian razor blade a hmang tih hriat a ni a, an nursing home hi register a nilo an ti bawk. Naute hi a pian hnu ah a thi nghal a, naute nu pawh Surgery neih hnu in thisen tam tak a hlohna ah a boral zui ve leh.
Nunna chan ta hmeichhia hi Poonam tia koh a ni. A pasal Rajaram chuan a nupui leh a fa thihna ah hian Medical te thiam loh tiin thubuai a theh lut a, heta tang hian hriat a ni ta chauh.
Operation neih zawh ah Poonam hian thisen a hloh hnem em em a, tihngaihna an hriat tawh lo chu an mangang in District Hospital pan turin thurawn an pe. An awmna hnaihah damdawiin dang a awm si lo a km140 a hla Lucknow’s KGMU Trauma Centre panpui ni mahse Poonam hian a hliam tuar lovin a thih phah.
Police te chuan Sultanpur CMO hnen ah dan lo anga Clinic hawng tu te lakah hian an phu tawk hremna pe turin ziakin an theh lut.