Kerala a zirtirtu pakhat chu kum tling lo laka a khawsak dan tenawm tak chungchang ah a hremna tur tihchian a ni ta.
Abdul Rafeek hi Puthumanassery, Pavaratty a private school a hna a thawh laiin a zirlai Class 1 lek chu alo pawngsual a ni. Kerala a Protection of Children from Sexual Offences (POCSO) court chuan Abdul Rafeek hi a khawsak dan tenawm takah hian thiamloh a chantir a, kum 29 leh thla 6 Jail tang turin a hrem.
School Picnic a an kal chu an haw lamah Abdul Rafeek hian hmeichhe naupang hi Bus hnung lam seat a a muthilh laiin alo khawih niin an sawi a ni.
Hmeichhe naupang hian a chunga thil thleng hi a sawichhuak tha thiam lo. A taksa a chau in a hlauthawng em em bawk. A nu chuan damdawiin ah a hruai a, Doctor ten an endik hnu ah medical examination result ah chuan pawngsual a nih ngei thu leh a serh mai bak ah a kawchhung internal organs lam thleng a hliam a neih thu an puang.