Mizo Elite News hi ṭha i tihzawng a nih chuan min lo Follow dawn nia

Cindy Crawford leh a fanu Kaia Gerber te Modeling hna an thawk dun

Nufa ni lo in unau te pawh an ang lek lek zawk ṭhin. Nufa a hna han thawh tlan chu a nawmdan pawh a dangdai bik viau ang le.

Hun eng emaw ti chen hnu ah Cindy Crawford (kum 54) leh a fanu kum 19 a upa Kaia Gerber te chu Modeling lamah an nufa in an hna an thawk dun a Omega watches tan an inlan.

Omega watches tana photo shoot an neihna pawh a danglam hle. Thlalak te hi veteran supermodel’s garage a lak te a ni a, hei hi a chhan chu Covid19 hri vanga lockdown a nih vang in a ni.

Cindy hian a fanu Kaia nen an thlalak thar hi post in garage chu Studio a thlak danglam a nih thu a rawn sawi bawk. An nufa hian thuamhnaw dun lam ve ve an inbelchhuak a Cindy hian Kaia hi hnung lam aṭang duat taka kuahin an chhelo nufa khawp mai.

2016 April khan Cindy leh Kaia te hi an nufa in Vogue Paris kawm an mawi tawh bawk a. Hemi ṭum a thlalak hi photographer Mario Testino laksak a ni nghe nghe.

Kaia Gerber hi kum naupang te in Modeling khawvel ah a nu hnung zuiin a zuanglut a, hlawhtlin pawh a hlawhtling chho khawp mai. Cindy pawh in a fanu hi a chhuang viau ṭhin reng a, a chhuang viau pawh hi a lo demawm hran lem lo.

Cindy hian 2016 khan The Coveteur hnen ah designer items ṭhenkhat te chu a fanu tan a khek khal thu a lo sawi tawh. Kaia hi kum 16 lek ah Career a ṭan. ‘Kissing Booth’ actor Jacob Elordi nen an chhuakdun hmuh an nih fo vangin an inngaizawng anga sawi a ni.

DM