Mizo Elite News hi ṭha i tihzawng a nih chuan min lo Follow dawn nia

Christmas Tuk Zing Ah Chhungkaw Pakhat Ten Vanduaina Rapthlak Tawkin Pa Ber Leh A Fate Chu Kangmei Vangin Nunna An Chan

Kum in Christmas zet chu an chhungkaw tan Holiday rapthlak ber a ni hial awm e. Pennsylvania chhungkaw pakhat te chenna in Quakertown a mi chu Christmas tuk zingkar hma takah khan kangmei nasa tak chhuak in, pa ber leh a fate chuan an nunna hlu tak an chan phah tih hriat ani.

Eric leh Kristin King te chhungkua hi an mut hlan in kangmei hi an in chhung atang a chhuak tan a, an harh meuh chuan an in chu mei alh in alo tuam nasa tawh.

He in ah hian mi 5 an cheng a, pa ber Eric leh a fate pahnih Liam, 11 leh Patrick, 8 te chu chhan theih loh in kangmei chhuak ah hian an boral. Vanneihthlak takin Kristin leh an fapa upa ber Brady te chu kangmei lak atang hian an damchhuak thung.

Kristen te nufa hi Lehigh Valley Hospital ah hruai nghal an ni a, an dinhmun a that hnu ah damdawiin atang chhuah tir an ni. Kangmei chhuah chhan ah hian an in a Chrismas tree an siam electric kalsual vanga thleng niin an mawhpuh ber a, investigation hi neih mek zel ala ni.

Official ten an sawi dan in kangmei hian chenna in hi a tuam hneh em avangin firefighters te pawh inchhung ah hian chhanchhuah hna thawk turin an lut hleithei lo a, chhanchhuahna kalpui chu thil harsa tak a nih thu an sawi.

Kristen te nufa chuan hun hrehawm tak an tawng mek a, kum 2021 Christmas chu an damchhung zawngin an theihnghilh leh tawh kher lo ang. An nufa tan hian tanpuina hawngin GoFundMe page chu siam a ni a, Kristen leh a fapa hian khawngaih leh tawrhpuitu an hmu hnem hle. Reilo te ah $400,000 dawn pawisa hi a tlingkhawm hman ani.