Mizo Elite News hi ṭha i tihzawng a nih chuan min lo Follow dawn nia

Christian Tleirawl Kum 13 Lek Chu Pakistan Pa In A Kidnap Hnuah Islam Ah In Leh Tirin Nupui Ah A Nei

A va rilru nat thlak em. Tiang chanchin rapthlak hriat chu. Pakistan ah tleirawl chhuak tir kum 13 mi Christian sakhaw vuantu chu kum 44 a upa mipa pakhat in tihluihna hmanga nupui atan neiin hei mai bakah Islam sakhua ah a inleh tir tih campaigners ten an sawi.

Tleirawl khawngaihthlak Arzoo Raja hi October 13 khan Karachi a an chenna in aṭang rukbo a ni. Ni 2 hnu ah a pasal ni a inchhal hian marriage certificate hmuh turin alo kawl diam tawh a, kum 13 nilo a kum 18 a nih thu leh Islam a nih thu a sawi.

He case vang hian lungawi lovin protest hial Karachi leh Lahore ah te neih a ni. Pakistani Court erawh in inneihna hi an kengkawh ve leh tlat thung si. Kum 44 a upa a pasal lah chuan nawrluihna tello in a duhthlanna ngeiin Islam ah a inlet (convert) a ti.

Arzoo hringtupa Raja chuan a fanu hi Karachi’s Railway Colony aṭang rukbo a nih thu hi a sawi a, rukbo a nih lai hi hna thawka an kal hlan a ni. Police ten an biak pawh meuh chuan a pasal hian marriage certificate hmuh theih in alo neih thu Christian group pakhat the Centre for Legal Aid, Assistance and Settlement (CLAAS) chuan a tarlang.

CLAAS UK director Nasir Saeed chuan in vauna avang in an duhthlanna nilo pui duhthlan anga sawi hi a thleng ṭhin a ti, Pakistani Christian te hi an lo chep awm ṭhin khawp. Nasir chuan Pakistani police leh court ten an dan (law) siam ngei pawh kengkawh leh zahna ik an neilo chu pawi a tih thu a sawi hial.

Arzoo hi a hming thlengin Arzoo Fatima tia thlak sak a ni. Court hearing ah pawh a nu bula a kal tur a pasal hian nghet takin a ban ah alo chelh bet tlat a ni awm e. A birth certificate a kum 13 chauh si kha Certificate a neih ah chuan kum 18 alo ni daih bawk. Campaign group Girls Not Brides figure aṭang alandan chuan Pakistan ah hian hmeichhia 21% vel zet chu kum 18 an tlin hma in pasal an nei ṭhin.

DM