Mizo Elite News hi ṭha i tihzawng a nih chuan min lo Follow dawn nia

Christian Tlangval Nen Hmangaihna Kawng Zawh Dunin Muslim Sakhaw Vuantu A Nu Leh Pa Ten A Lu An Tihkawlh Sak

A mipa hmangaih nen an sakhaw vawn a hran avangin a chun leh zua te an hrang a. Hmangaihna kawng an zawh dunna pawh dal phah in hremna hial a tawrh phah.

Besancon, France a mi hmeichhe tleirawl kum 17 a upa Muslim sakhaw vuantu chu Serbian tlangval pakhat Christian sakhaw vuantu nen hmangaihna kawng zawh a inneih hial an tum vangin a nu leh pa Muslim ruh tak te chuan hremna pe in 2ft a sei a sam chu an titawi a, a lu an tihkawlh sak bakah an vaw bawk tih Judicial source chuan a sawi.

“Christian sakhaw vuantu a hmangaih vang in a lu tihkawlh sak leh vuak hial a ni a,he hmeichhia kum 17 chunga nghaisakna thleng hian mi a ṭhawng hle a ni” tiin French Interior Minister Gerald Darmanin chuan a sawi hial.

A nu leh pa mai bakah hian a patea (uncle) leh a ni (aunt) te pawh he thil ah hian an inhnamhnawih bawk a, an 4 hian Police ten an man tawh bawk. He hmeichhe khawngaihthlak hi venhimna hnuai ah a awm mek nia tarlan a ni.

Kum 2 liam ta khan Bosnia-Herzegovina aṭang France ah hian an pem. Serbian tlangval a hmangaih hi kum 20 a upa a ni a, an awmna building a awm ve tho a ni.

“An chhung hnih hi an inhre tawn ve ve a, an inzawmna ah pawh buaina em em a awm lo. Mahsela inneih chungchang an sawi dun meuh chuan a hmeichhe lam nu leh pa te chuan ‘muslim kan ni a,Christian sakhaw vuantu pasal ah i nei thei lo’ tiin inneih chu an phal sak lo bur mai a ni” tiin deputy prosecutor Margaret Parietti chuan a sawi.

An inbiak pawhna tihtawp sak nghalin a phone an laksak. Mahsela ni 4 lai an thang bo a, apartment a an kir leh chuan hmeichhe nu leh pa te hian an fanu chu room ah hruaiin an vua a, a lu an tihkawlh sak zui ta a ni.

Kut hial thlaka an hremna ah hian a mipa chhungte lam hi an inrawlh duh lo. Mahsela Police te hnen an thlen. Police te an chenna a an kal chuan an lo thuk ru a, an thukrukna aṭang an hmuh hnu ah damdawi in lam ah an hruai a ni. He hmeichhia hi a nâk ruh a tliah bakah a taksa ah pem a nei nual bawk.

DM