Denmark midfielder, Christian Eriksen chu cardiac arrest a, a chunga vanduaina a thlen hnu ah Medical lama mi thiam ber ber ten an enkawl hnuin tunah chuan Hospital a chhuahsan tawh.
Kum 29 a upa Christian Eriksen hi ni 6 liam ta khan Finland nen an inkhelh tum ah mualah nikhawhrelo in a tlu tawp a, medical emergency te tlanlut nghal thuaiin CPR pek a ni a, Euro thlirtu fans tam tak te a lo ti hrilhhai tak zet a ni.
Rigshospitalet ah Eriksen hi enkawl a ni a, implantable cardioverter defibrillator (ICD) fit sak in a dinhmun in ziaawm lam a pan chhoh zel takah chuan a chhungte, a nupui leh a fa te thlazar hnuaia awm turin chhuah tir a ni ta a ni.
Danish FA pawh in an midfielder in Hospital a chhuahsan tawh tih hi Official in an puang a, Operation hlawhtling taka neih a ni a, a team-mates te pawh tlawh in duhsakna an inhlan fel hnu ah an inthlah thu an tarlang.