Mizo Elite News hi ṭha i tihzawng a nih chuan min lo Follow dawn nia

Chirh in an chenna in hnawlin chhungkaw pakhat te chu an vaiin an boral vek

Southern Brazilian state of São Paulo a Várzea Paulista ah chuan Pathianni kalta khan chhiatna rapthlak tak a thleng a. Chhungkaw pakhat te chenna in chu chirh nasa tak (mudslide) in chim/luan hnanin an zavaiin an nunna an chan tih hriat ani.

In ah hian Ricardo dos Santos, 40 leh a nupui Tatiane bakah an fate 3 Richard, 12; Nicole, 10 leh Tayane,1 te chu an khawsa. Tumah dam khawchhuak awm lovin an nunna an chan vek.

Tualchhung media te tarlan dan in chhiatna thlen hun hi Pathianni zing dar 6am vel ah ani. Ricardo dos Santos chhungkua te hi in ah hian an la mut lai a ni a, bedroom pakhat an intawm vek. Ruah nasa tak sur chuan leitawlh hi thlenin vanduaina tawpkhawk chu an chhungkaw chungah hian a thleng ta ani.

An thenawm a cheng midang te pawh in inrinlawk leh insaseng hman lohin a lo thleng deuh thut tih an sawi a, inring tura au chhuahna hman ngaihna pawh a awm lo tih Reinaldo Pereira chuan Brazilian news outlet G1 te a hrilh a, thil thleng chu an mitin hmu mahse tih vak ngaihna a awm loh thu a sawi.

Santos te chhung hi an chenna ah hian kum 6 chu an awm ve tawh. Ruang an hmuh hian nu ber Tatiane hian a fa kum 1 mi Tayane chu a kutah alo la vuan hram hram ani. Thlalak hmuh theih atang pawn an chenna in hi chirh in a hnawh khat hneh hle bawk.

Local Official in a tarlan danin southern state of São Paulo ah hian Zirtawpni atang khan ruah nasa tak surin hei hian leimin leh tuilian a thlen a, mi 19 ten nunna an chan tawh tih an puang ani.