Mizo Elite News hi ṭha i tihzawng a nih chuan min lo Follow dawn nia

Chinese Whistle-Blower Medic Boral Ta Dr Li Nupui In Fapa A Hring, Hnuk A Ti Ulh

Chinese whistle-blower medic, Dr Li Wenliang nupui Fu Xuejie chuan a pasal boral aṭanga thla 4 na ah June 12 khan Wuhan ah fapa duhawm tak a hring.

Ms Fu, 32 hi Local eye clinic ah optometrist in hna a thawk a, tuna an fapa piang bakah fapa kum 5 mi anlo nei tawh nia tarlan a ni bawk.

Naute hi 3.45kg (7.6lb) a rit a ni a, amah leh a naute hi an dinhmun pawh a ṭha ve ve. Ms Fu nu hian damdawiin ah a fanu leh a tupa te dinhmun ngaihven hian a kal nghal vat bawk a ni awm e.

Ms Fu pasal Dr Li hi Wuhan Central Hospital ah alo thawk a, a thihna chungchang ah hian sawi a tam hle nghe nghe a, tun thleng in sawi la bang hlei theilo in mitam tak rilru a tina.

Dr Li leh Medic dangte hian ‘SARS-like’ disease chungchang Social Media a an inform hmasak ah Police lam ten an ka hup sak in “dawt phuahchawp thehdarh” tih ten an puh. February 1 khan hri hi a positive tih an puang a, a patient aṭanga kai tiin February 7 khan a thi tih puan a ni zui.

A pasal mual liam aṭang thla 4 hnu ah fapa duhawm tak a hrin hnu a Ms Fu in Social Media a post a siam chuan rilru leh thinlung a chhun hle nghe nghe a.

“Pa a van aṭang khan min lo thlir in min hmu em? I thil pek hnuhnung ber min pek chu vawiin khan a piang a nia” tih te a post in an fate te chu ṭha taka a enkawl tur thu a sawi a, a lung a chhe tak zet zet a ni.

DM