Mizo Elite News hi ṭha i tihzawng a nih chuan min lo Follow dawn nia

Chinese Tennis Star Pakhat An Ram Hruaitu Zinga Miin Mipat Hmeichhiatna Lama A Khawih Thu A Sawi Hnua Bo Zuita Chu Ni 19 Hnuah Vantlang Hmuh Turin A Inlan

Chinese tennis star Peng Shuai hian a chunga thil thleng te a puan hnu ah an ram mai nilo khawvel huapin a chanchin hi ngaihven a hlawh zui em em a ni.

Kum 35 upa Peng Shuai hian November 2 khan Chinese social media ah an ram Politician zinga mi former vice-premier Zhang Gaoli (kum 75) chuan mipat hmeichhiatna lam hawi zawng a nawrluiin a khawih thu a sawichhuak a, hemi chungchang post a siam hnu lawkah a chanchin hriatzui tur awm lovin a khuangcher bo nghal hmak. Peng’s social media post hi delete nghal a ni a, Social Media atang thaibo a ni bawk.

Zhang emaw Chinese government ten Peng in a puhna ah hian engmah tawngkam an nei lo. Peng hi a khuangcher bo atang ni 19 a liam tihah vantlang hmuh theihin a hmel a inlan ta a ni.

Pathianni khan Beijing a tennis tournament ah Peng Shuai hi a inlan a, tournament organized tu China Open lam ten official thlalak hi an publish. Fila Kids Junior Tennis Challenger Finals ah Peng hi guests a ni. Thlalak ah hian dark blue jacket leh trousers var a inbel a, event’s official WeChat page ah an tlangzarh bawk.

Former doubles world number, Peng hi November 2 atang a chanchin hriat a nih loh chungchang ah Women’s Tennis Association (WTA) te hial an tawngchhuak bawk.

Thlalak dang tihchhuah atang Peng hian downtown Beijing ah restaurant lun tak pakhat ah midangte nen thil an ei ho hmuh a ni a, Twitter ah phochhuah a ni. Peng rawn inlar leh chungchang ah hian Reuters in Beijing a U.S. leh British embassies te zawh chu chhan ala nilo.