Mizo Elite News hi ṭha i tihzawng a nih chuan min lo Follow dawn nia

Chinese Medics Te Chu Thla 2 Dawn Coronavirus Vanga Chhungte Nen An Inṭhen Hnuin Mittui Nen Inhmu Leh

A lawmawm rual rual pahin thlir leh hmuh pawh a hrehawm zawk. Bianga mittui luang chung in hlimna leh lungchhiatna nen hun an hmang kawp.

Chinese Medics te chu Coronavirus beihna kawnga Hubei lama thla 2 dawn lai hnathawk a an awm hnuah an chenna ah let in an chhungte nen mittui nen an inhmu leh thei ta.

First Fujian medical team member 194 te chu an chenna southern China ah an kir. Ni 14 lai quarantine an nih hnu ah Thawhṭanni khan an chhungte nen Hubei an pan hnua ṭum khat nan an inhmu a, Medics te hian February 11 khan an chenna an chhuahsan thu Chinese Media chuan a tarlang a ni.

Hubei a Medical workers chambang a awm te chu zawi muangin an chhuak zel tawh a, Wuhan khawpui pawh Nilaini khan lockdown an hlip tawh.

An hmangaihte lo hmuakin Medics hmeichhia te pasal chuan pangpar bawr pek tur an keng hlawm a, naupang te pawh in an nu leh pa te lo haw an hmu chu an hlim hlawm hle. Nurse pasal pakhat Qian Xiaohang chuan “kan innei ni ang mai niin ka hria. He ni lo thlen hma zan phei hi chu inneih hma zan ang maiin mutmu pawh ka tuah hleithei tawh lo” tiin a sawichhuak hial nghe nghe.

DM