Mizo Elite News hi ṭha i tihzawng a nih chuan min lo Follow dawn nia

Chinese Hmeichhia Chu Thunun Theih Lohin A Pum A Ṭhanglian Vak

Chinese nu pakhat chu kum 2 liam ta ṭang a pum chu nau pai ang maiin thunun hleihtheih loha puarin a ṭhanglian vak mai.

Kum 36 a upa Huang Guoxian hi Guizhou Province a mi a ni a,a pum puar hi 44 pounds lai a ni tawh a, ala ṭhan belh chho zel bawk.

Huang Guoxian hian mut leh kal a harsat hle a, a fanu leh fapa te pawh a enkawl ṭha thei lo. Tualchhunga thuthar lakhawm leh thehdarhtu Media te kaltlangin puihna a dil hial.

£3,290 a neih chuan specialist ah kalin a dinhmun chiang zawka hria in enkawldan ngaihtuah a ni thei ang. A chanchin hi local newspaper Guizhou Urban Daily chuan alo tarlan sak a ni.

A changin a pum chu na a ti ṭhin a, a na chhawk turin damdawi te pawh a ei. A pum puar erawh chu a ṭhanglian chho zel zawk. Anshun & provincial capital Guiyang a damdawi in hrang hrang te a pum puar vang hian pan tawh.

Doctor te chuan liver cirrhosis leh ovarian cancer te a vei tih an sawi a, mak taka a pum a puar vak chhan erawh hi chu an sawichiang hleithei bik lo. A pum a tuihnang awm paih a operation zawh hnu ah pawh a pum chu a ngai te bawkin a puar lian leh zel tho.

Ms Huang chuan hun rei tak aṭang mut pawh a mu ṭha thei lo a ti a,kal chu sawi loh rei tak a ding thei lo hrim hrim. A pasal hi chhungkaw eirel ngaihtuahin pawisa thawkchhuak in khawpui lian zawk ah a awm a, a fapa kum 10 mi chuan inchhung khur hna chu a kutah a tla ta a ni.

Government leh mi thilphal dang te chuan Huang inenkawlna tur atan hian pawisa an pe a, Operation neihna tur hian 30,000 yuan (£3,290) a ngai. A fate chu a pi leh pu te kutah a nghat a, a rang thei ang bera enkawl a damchhuah vat chu a beisei hle tih a sawi bawk.

DM