Mizo Elite News hi ṭha i tihzawng a nih chuan min lo Follow dawn nia

Chinese Celebrity Ruang Halna Vap (Ash) Chu Thlarau Inneihna Hmanna Tur Atan Rukbo A Ni

Chinese influencer pakhat chu a ruang halna vap (Ashes) rukbo a nih thu an sawi a, rubo tu te hian thlarau inneih tirna “ghost marriage” atan a hman tum an nih thu hriat a ni.

He Influencer hi “Luoxiaomaomaozi” tia hriat a ni a, a hming Luo Xiaomao Maozi (kum 25) a ni. Chinese version of TikTok, social media platform Douyin ah livestream a neih laiin zuva leh rangnung vel thahna hlo a in hnu in amah alo intihlum a ni.

Luoxiaomaomaozi hian depression nasa tak a nei a, a hma pawhin a nunna lak a tum thu hi a lo tilang fo tawh thin bawk. Vice in a tarlan dan chuan troll nasa tak a dawng thin a, a livestream thlir tu atang ngeiin Pesticide in tur hian nawr luih leh fuih a nih thu an sawi a, October 15 khan a boral phah ta nge nge.

A ruang hi Shandong province ah vuiliam in hal ralna hun an hmang. Vuina a hnathawk crematorium staff leh phiarru tu dang pahnih ten a halna vap (Ashes) hi an ru bo a, “ghost marriage” atan hralh an lo tum a, 50,000 atang 70,000 Chinese yuan (Rs 5.8 lakh to Rs 8.2 lakh) velin ruang vap hi hralh theih an in beisei bawk.

Ghost wedding hi China ah hian hman atang an lo chin thin tradition a ni a, mitthi chhung ten an fate kawppui neilo ang a fam te chu hringnun piaha an khawhar loh nan kawppui tur an zawn sak thin. Hetia an tih hian mitthi hian a chhungte hi a tibuai tawh loh nan te a ni. Mahse he tradition hi China ah hian khap a ni tawh a,amaherawhchu la chhunzawm an awm ve zeuh zel tho.

Ruang halna vap hralh tum tu mi 3 te hi Police ten an man tawh thu Beijing News chuan an tarlang tawh bawk a ni.