Mizo Elite News hi ṭha i tihzawng a nih chuan min lo Follow dawn nia

Chinese-Canadian Pop Singer Kris Wu Chu Police Ten An Man

Inrinni khan Chinese-Canadian pop star Kris Wu chu pawngsual thubuai a rinhlelh a nih vangin Beijing Police in an man thu puan a ni.

Hmanni mai khan hmeichhia kum 19 a upa Du Meizhu chuan a ruih laiin Kris Wu hian tihluihna hmang in mipat hmeichhiatna a hmanpui tih a sawi a, he thu thang a darh hnu atang hian Chinese social media ah Kris demna thu tam tak hmuh tur a awm bakah luxury brands hrang hrang ten an indawrna an tih tawh phah.

Beijing’s Chaoyang district a Police ten Weibo statement an chhuah ah Wu Yifan tia koh kum 30 Canadian nationality chu Chaoyang branch of Beijing public security bureau ten pawngsuala rinhlelh vangin an hreng mek tiin thuchhuah an siam.

Officer te chuan Investigation an kalpui mek a, internet hmang tu ten Report an siam ah Wu hian hmeichhe naupang lam kum tlinglo te thlemthlu in vawi tam alo khawih chhe fo thin niin an sawi a ni.

Kris Wu hi K-pop boyband EXO atang hriat a hlawh tan a, 2014 khan an Band hi chhuahsan in hemi hnu hian Solo Career in bul a tan. Singer, actor leh model hlawhtling ber te zinga mi a ni.