Mizo Elite News hi ṭha i tihzawng a nih chuan min lo Follow dawn nia

China Ramah Hri Thar Dang Report A Awm Leh Tawh

Covid leh hri dang kaihhnawih vang in kan buai pherh hle tawh a ni a,tun ah hei China ram atang bawk in hri thar bird flu, mihring ah vei an awm thu hriat a ni leh ta.

China chuan an ram ah hri thar bird flu H10N3 a chhuah leh tak thu an puang a, he hri hi China’s eastern province of Jiangsu ah mipa kum 41 in a vei tih hmuhchhuah a nih thu China’s National Health Commission (NHC) chuan an puang.

China ram ah hian bird flu hi a chhuak sawi a lo ni fo tawh thin. Tuna mihring a an hmuh chhuah tak hi April 28 khan damdawiin ah dah luh a ni a, khawsik leh symptoms dang te a nei. Reuters te tarlan dan in May 28 khan a vei niin an sawi.

Health commission chuan hri hi accidental cross-species tiin a sawi a, mihring leh mihring ah inkaichhawn theih loh ang in an puang. Tin, H10N3 hi khawvel hmun dang ah mihring a vei human cases hi ala awm ngai lo niin Chinese officials ten an puang a, a vei mek tu hian engtia kai leh khawi atang a a kai nge tih hi sawi a la awm lo bawk.

Amah pawh a dinhmun a tha a, damdawiin atang chhuak thei mai a ni tawh a ni. Covid angin kaichhawn a awlsam leh awlsam loh chik nghal niin midang a hnaih tak tak te pawh en thli thlai an ni a, mahse Case dang a awm loh thu an sawi a ni.