Mizo Elite News hi ṭha i tihzawng a nih chuan min lo Follow dawn nia

China Influencer Naupang Tak Chu Livestream A Neihna Ah 160Ft A Sang Atang In Tla

China ram a influencer la naupang tak mai, Xiaoqiumei chu thil rit tak tak chawisawnna crane a Livestream a neihna ah 160 feet a sang atang a tla thla tih hriat a ni.

Xiaoqiumei hi tower crane operator a ni a, tarlan dan in Douyin ah amah zuitu te hma a livestream video a record lai mek in a ni. Douyin hi app pakhat a nia, China ah chuan thalai te ah a larin TikTok nen hian a in ang deuh reng bawk.

Kum 23 chauh a upa a nia, fa 2 a nei tawh a ni. The Sun in a tarlan dan chuan thil thlenna hi China’s Zhejiang Province ah a ni a. Mit ngeia a tla thla lai lo hmutu te chuan vanduaina a thlen lai hian a kut ah phone a hum tih an sawi.

A boral dan Online lama a darhchhuah dan ah erawh Xiaoqiumei chhungte an lungawi zan lo. Mahni hna lama theihtawp chhuah duh thin mi a ni a, a hnathawh lai pawn a Bag ah a phone hi chu a ak ngei ngei an ti. Hemi rual hian chetsual palh vanga boral a ni tiin an rawn puang a ni.

Xiaoqiumei hian Social Media platform ah a nitin hun hman leh hnathawh vel video a share thin a, mi 100,000 chuang lai zuitu (followers) a nei bawk. A boral thu puanzar a nih hnu lawk ah a account hi delete nghal a ni.