Mizo Elite News hi ṭha i tihzawng a nih chuan min lo Follow dawn nia

China In Tum Lawk Reng Vangin Covid19 An Thehdarh

Hripui Covid19 Outbreak vangin khawvel a la buai chho zel. Mitam tak nunphung pangngai in min awm tir thei lo. He hri hian mi eng emaw zat suatin an nunna a laksak tawh bawk.

Hripui chhuahna bulpui ber leh a mei zang hlap tu ber ah China chu mawhphurtu an ni a, Wuhan atang a rawn darh a ni reng bawk. A chhuahdan kim chang leh chipchiar hi mithiam te pawn nasa takin chhui chiam mahse han pawm tlan theih tur ala awm thei lo.

Chinese whistleblower chuan Covid outbreak chungchang ah China hian tum lawk vang in hri hi an thehdarh ni in a sawi. Ex-Chinese Communist Party insider Wei Jingsheng hian khawvel in hri a darh tih a hmelhriat hma thla 2 ah khan World Military Games ah Covid hi a darh daih tawh. Hei hi October 2019 kha ani.

International tournament hi military athletes tan Wuhan ah an nghat. Hei hi China in World Health Organisation hnen ah Covid case hmasa ber an nei tih an hriat tir hma thla 2 la awm ah a ni.

Mr Jingsheng hian thil awmdan atang hian thleng palh a nilo a ti a, event ah hian international athletes 9,000 pungkhawm te ah natna mak leh danglam deuh deuh an neih thu a sawi. “Ka ngaihdan ah Chinese government hian Military Games hi virus thehdarhna hun remchang ah an hmang. Foreigners eng emaw zah an fuankhawm bawk” tiin Sky News documentary What Really Happened in Wuhan ah alo sawi.

Biological weapons pawh an hman a ring a, a thusawi hi former Principal China Adviser to the US State Department Miles Yu pawhin a pawmpui hle. Mr Jingsheng hian he thil chungchang hi November 2019 ah Trump administration ah thlen mahse hnawl sak a ni a ti bawk.