Mizo Elite News hi ṭha i tihzawng a nih chuan min lo Follow dawn nia

China in Covid kai te laka khuahkhirhna a siam khirh leh hrehawm tak chu khawvel hma ah tarlan ani

Hri leng vangin mitin te buaiin kan chi ai zo tawh a. Hri kai te chu kan ram leh hmun thenkhat ah ngei pawh khung hrang in tha takin enkawlna kalpui ani. He hri rawn irh chhuahna bul ber nia sawi China ah erawh an in enkawl dan a dang viau.

China hian Zero COVID Policy an kalpui a, an ram mipui te zingah khuahkhirhna khirh zet kalpui in hri kai nia rinhlelh te chu metal boxes a siam ah an inkhung hrang deuh hmak hmak ani. Mi eng emaw zat chu metal box chhungah hian nawrliam luih an ni tawh.

Beijing chu thla thar a Winter Olympics neih turah an inbuatsaih chho mek a, hri kai nia rinhlelh ten nasa takin an tawrh phah. Maktaduai chuang te chu an chenna in ah hren beh an ni mek a, thil lei tura an chhuah pawh phal sak an nih loh thu hriat ani.

Daily Mail in a tarlan danin 20 million vel in lamah pawn chhuak thei lovin an tang mek. Hei hi Anyang leh Yuzhou ah te coronavirus cases hmuhchhuah leh ani.

Local media te tarlan danin bus 30 laiin mi 1,000 te chu quarantine camps lam ah an panpui thu an sawi. Social Media ah hri kai nia rinhlelh te laka an chet dan hi phochhuah a nih atang China government hian dem na neuh neuh an hlawh nasa hle a, mihring dikna leh chanvo in rahbeh sakna a ni an ti.

He Camp lut tur hian inngaihthiamna leh zahngaihna a awm lo. Rai puar, naupang leh tar leh upa thlengin covid quarantine camp ah hian awm tir vek an ni. Video clip pakhat putchhuak ah pandemic workers ten mipa pakhat chu camp pawn ah an vaw chiam a, he pa hian a riltam em vangin steamed buns lei turin a chhuak ru niin an sawi.

Lockdown khirh zawk kalpui a nih chin atang raipuar zingah a hun taka medical treatment hmuh theih loh vanga nau chhiat a awm thu tarlan alo ni tawh bawk.