Mizo Elite News hi ṭha i tihzawng a nih chuan min lo Follow dawn nia

China In 2020 Olympics Ah Hnehtu Zawk Angin An Inchhal

China hi chu ram dang tan hian buaina tham pakhat hi chu a ni ve a lawm. US nen kawng hrang hrang in an tlansiak zak zak a, tlawm zawk nih an duh lo. Olympic neih zawh tak atang khan a rawn langchiang hle.

2020 Tokyo Olympics neih zawh takah khan khawvel in a hriat dan ah United State chu Medal la hnem ber niin pakhatna an ni. official International Olympic Committee pawh in a pum ah US chu pakhatna niin pahnihna ah China a puang a ni.

Chinese state media erawh in official International Olympic Committee te thuchhuah hi an pawmpui lo. 2020 Tokyo Olympics ah khan an ram China chu hnehna chang tu zawk ah an inchhal a, US ai in Gold Medal an dawng hnem leh daih zawk.

IOC in US hian 39 gold medals, 41 silver medals leh 33 bronze la in total ah 113medal a belhchhuak a, China chu 38 gold medals, 32 silver medals leh 18 bronze la in total ah 88Medal in a dah a ni. China ai in US hian Gold ah 1 in hma a hruai.

Mahse Chinese social media platform, Weibo leh China Central Television ah chuan China hian 41 gold, 37 silver, leh 27 bronze an lo la daih a, Medal 88 atang medal 106 dawr ah an inhlang kai daih.

China hian Hong Kong, Taiwan leh Macau te Olympic Medal dawn zawng zawng chu an ram lak ang in a chhiar tel vek a, US ai hian Gold Medal lak tam ah an san phah lek a lo ni.

Hong Kong hi administrative region (SAR) of China, Hong Kong Special Administrative Region of the People’s Republic of China tia hriat a ni a, ‘one country, two systems’ principal hnuai ah an awm. Chutiang in Macau pawh an ni tho. Taiwan hi Republic of China tih niin People’s Republic of China (PRC) atang independent tawh mahse China in an rem ti lo. Hong Kong, Taiwan leh Macau hi Chinese territories tih IOC hian an hre lo. Hong Kong leh Taiwan te hi in elna ah khan a hrang ve ve in an tel miau sia. Olympic ah khan Medal 12 ve ve an la a, a pum ah Taiwan hi 34 na niin Hong Kong hi 49 na an ni.