Mizo Elite News hi ṭha i tihzawng a nih chuan min lo Follow dawn nia

China Celebrity Blacklist Tihchhuah Ah Kris Wu Hming A Tel

China Association Of Performing Arts te chuan Thawhlehni khan celebrities blacklist a chhuah a, list ah hian streamers leh influencers 88 te an lang a, hmanni lawk a pawngsual thubuai awrh Kris Wu pawh Blacklist zingah hian a hming a chuang a ni.

China Association of Performing Arts te hian heng milar blacklist a a puan te hi an nungchang leh khawsak zia tha lo tak vang a ni. An ram moral standards bawhchhia an ni. Platform danga an career tan leh lo tura hrehbeh na tur a ni ber ang chu. Blacklist a chuang te hian live-streaming services an nei thei dawn lo a, Douyin (Chinese version of TikTok) leh hmun dang pawh livestream khap sak an ni.

List a lang te hi 85 livestreamers leh celebrities 3 an ni a. Heng hming lang zingah Zheng Shuang, Kris Wu Yifan leh Zhang Zhehan ten ngaihven an hlawh zual. Chinese-Canadian pop star Kris Wu hi pawngsualtu a puh a nih vangin thubuai nei mek a ni.

Actress Zheng Shuang hi chhiah awlruk leh surrogacy scandal chungchang ah mualpho in US ah surrogate kaltlanga a fa kalsan ah an puh. Actor Zhang hi chu Japan rama an hmun hlui pawimawh leh serh tak Yasukuni Shrine a tlawha a thlalak chungchang sawizui hlawh tak vangte a ni.

2018 a “blacklist management system” neih tan a nih atang tun hi List 9 lai an tihchhuahna a ni tawh a. Association spokesperson in a sawidan chuan kum 2 liamta chhung ringawt khan 446 livestreamers lai blacklisted ah dah an ni tawh.