Mizo Elite News hi ṭha i tihzawng a nih chuan min lo Follow dawn nia

China Ah Hmasawnna Ropui Thleng, Nupa Tuak Te Tan Malsawmna

China hian khawvel hi an thunun hneh a, engkim mai hi an lo thiam in an inrawlh chikim ve thei zel si. A awmlo hranpa miah lo, a chhan pawh mihring khi ti zat zet an awm a, khawvel a mihring tam leh bihna ah India nen hian en ber an ni.

China ram a nupa tuak te reng reng hian an duh ang ngawt in fa an nei thei lo tih chu kan hre vek ang. Mihring cheng an tam em vangin sorkar thu neitu ten fa neih chin an bithliah sak thin.

A tirah fa 1 ai a tam bak neih phal sak an ni reng reng lo a, a aia tam an lo nei palh a nih chuan a pawi thui thei. Mahsela a hnu ah birth rate dinhmun an thlirin fa 2 neih theihna pharh a ni leh.

Tichian vawiin khan China chuan nupa tuak te ah fa 2 neih phalna chu ti pung in fa 3 neih a phal tawh tih Media lian tak tak in an puang dum dum ta mai.

State media tarlan danin President Xi Jinping chuan fa 3 neih phalna “three-child policy” dan hi politburo meeting ah a pawm. Tun thla a census thar ber neih ah nikum chhung khan China ah naupiang 12 million vel chauh an awm.

1960s hnu ah nikum kha naupiang la tlem ber tum a ni a,2016 khan naupiang hi maktaduai 18 an awm. Birthrate a hniam ber tum an kal chhoh zel tak hnu ah inthlahpun kawng a hmasawn leh hret turin fa 3 neih phal a ni ta a nih hmel. President Xi Jinping hian fa neihna dan thar a pharh hi a ti fuh chiah ang em le.