Mizo Elite News hi ṭha i tihzawng a nih chuan min lo Follow dawn nia

China Ah Delta Variant Case Sang Zel Vangin Thuneitu Ten Mipui Te Pawnchhuak Thei Lo Turin An In Ah An Khung

China ramah Covid Case Delta variant chuan san lam a pan chho zel nia hriat a ni. China thuneitu te pawh a mangang hle tawh a nih hmel hle. Mipui te chu pawnchhuak thei lo turin khung beh an nih thu an tarlang.

Social Media ah hemi chungchang hi mitam tak in an sawi a, Video nen thlengin phochhuah a ni. Keoni Everington in Taiwan News hnen ah Chinese officials ten mipui te an chenna in a an khung hi thil thar a ni tawh lo a, Wuhan a pandemic a rawn darh atang khan a thleng tawh hrim hrim a ti.

Social media platforms hrang hrang Weibo, Twitter leh Youtube atang a landan in government personnel ten PPE inbel chungin chenna in kawngkhar thenkhat chu iron bars hmang in chhuak thei lo turin a kawkalh zawngin an khenbei sak. Taiwan News chuan ni khat a kawngkhar vawi 3 ai a tam hawng te chu metal bars a seal thlap in authorities ten an chenna in ah an khung thin tih an puang a ni.

A cheng te ngei zing atang “mipui te chu an chhuak thei lo, man an nih chuan chuak thei lovin an kawngkhar chu seal sak an ni” tiin a sawi. Video hi Weibo ah phochhuah a ni phawt a, a hnu hian Twitter leh YouTube ah te dah leh a ni.

Kar hmasa thleng pawh khan China ah hian coronavirus cases hi an la awm zel a,transmitted infections a sang hle tih National Health Commission (NMC) chuan an puang.